روہڑی کے قریب مال بردار ٹرین کی دو بوگیاں پٹڑی سے اترگئیں جبکہ کراچی سے لاہور آنے والی عوام ایکسپریس کو رائیونڈ کے علاقے جیابگا میں حادثہ پیش آیا۔ تفصیلات کے مطابق کراچی سے لاہور آنے والی عوام ایکسپریس کو رائیونڈ کے علاقے جیابگا میں حادثہ آیا۔ پھاٹک پر ٹریکٹر ٹرالی انجن سے ٹکرا گئی ۔ جس سے ٹریکٹرٹرالی تباہ ہوگئی جبکہ انجن کو جزوی نقصان پہنچا۔ حادثے میں کوئی جانی نقصان نہیں ہوا۔ ریلوے حکام نے ریلوے ٹریک کو کلیئر کروا دیا ہے، ریلوے حکام کی جانب سے حادثے کی وجوہات جاننے کیلئے تحقیقات کی جارہی ہیں۔ دوسری جانب روہڑی کے قریب مال بردار ٹرین کی دو بوگیاں پٹڑی سے اترگئیں، حادثے کے باعث اپ ٹریک اور ڈان ٹریک پر ٹریفک معطل ہوگئی۔ انتظامیہ کے مطابق مال بردار ٹرین کراچی سے پنجاب جارہی تھی۔

کریڈٹ: انڈیپنڈنٹ نیوز پاکستان-آئی این پی