گورنر سندھ کامران ٹیسوری نے کہاکہ ڈونلڈ ٹرمپ امریکا کے صدر بنے ہیں، انہیں اور امریکا کو مبارک ہو۔اپنے ایک بیان میں گورنر سندھ کامران ٹیسوری نے کہا کہ ٹرمپ کی جیت کا پاکستان میں جشن منانے والے خوش فہمی میں نہ رہیں، بیگانے کی شادی میں عبداللہ دیوانہ مثال سنی تھی، دیکھ بھی لی، خواہ مخواہ دیوانہ ہونے والوں کو دیکھ کر افسوس ہوا، ترس آیا۔کامران ٹیسوری نے مزیدکہا کہ ٹرمپ کی جیت پر پاکستان میں مٹھائیاں بانٹنے والوں کا منہ کڑوا رہے گا، ٹرمپ کی جیت پر ڈھول بجانے والے پاکستانیوں کو صرف تھکان ملے گی، خدا کرے ٹرمپ امریکا کی معیشت بہتر بنائیں، دنیا میں امن لائیں۔

کریڈٹ: انڈیپنڈنٹ نیوز پاکستان-آئی این پی