راولپنڈی میں پولیس مقابلے میں2 ڈاکو ہلاک ہوگئے۔ پولیس کے مطابق چاکرہ کے علاقے میں امتیاز مارکیٹ کے قریب موٹر سائیکلوں پر سوار ڈاکووں نے پولیس کی جانب سے رکنے کا اشارہ کرنے پر فائرنگ کر دی۔ پولیس حکام کا کہنا ہے کہ ڈاکووں کی فائرنگ کے بعد پولیس نے بھی جوابی کارروائی کی جس کے نتیجے میں 2 ڈاکو ہلاک اور 2 فرار ہوگئے۔ پولیس حکام کا بتانا ہے کہ ہلاک ہونے والے ڈاکوں سے 2 پستول اور نقدی رقم برآمد ہوئی ہے۔

کریڈٹ: انڈیپنڈنٹ نیوز پاکستان-آئی این پی