پشاور ہائیکورٹ نے پی ٹی آئی کے سابق رکن قومی اسمبلی میجر (ر ) طاہر صادق کی حفاظتی ضمانت منظور کرتے ہوئے پولیس اور تمام ،متعلقہ ایجنسیوں کو انکی گرفتار ی سے روک دیا۔پی ٹی آئی کے سابق ممبر قومی اسمبلی طاہر صادق کی حفاظتی ضمانت کی درخواست پر پشاور ہائی کورٹ نے 2 صفحات پر مشتمل حکم نامہ جاری کر دیا۔عدالت نے میجر (ر) طاہر صادق کو حفاظتی ضمانت دے دی، عدالت نے خیبرپختونخوا، پنجاب پولیس اور تمام متعلقہ ایجنسیز کو درخواست گزار کو گرفتار کرنے سے روک دیا۔حکم نامے میں کہا گیا ہے کہ درخواست گزار کے وکیل کے مطابق وہ امریکا میں ہیں، درخواست گزار امریکا سے واپس آرہے ہیں، درخواست گزار کا موقف ہے کہ ان پر سیاسی مقدمات بنائے گئے ہیں، ان مقدمات کا مقصد ہراساں کرنا ہے، درخواست گزار کو حفاظتی ضمانت دی جاتی ہے، پشاور، خیبرپختونخوا، پنجاب پولیس اور تمام ایجنسیز درخواست گزار کو گرفتار نہ کریں۔بعدازاں پشاور ہائی کورٹ نے میجر طاہر صادق کی حفاظتی ضمانت کی درخواست منظور کرتے ہوئے کیس کی مزید سماعت 6 مارچ تک ملتوی کر دی۔

کریڈٹ: انڈیپنڈنٹ نیوز پاکستان-آئی این پی