بینک آف پنجاب کی کیش وین لوٹنے والے 3 ملزمان گرفتار کرلیا گیا ، گذشتہ روز 4 مسلح افراد نے کیش وین سے 3 کروڑ لوٹے تھے۔تفصیل کے مطابق پشاور میں پولیس نے بینک آف پنجاب کی کیش وین لوٹنے والے تین ملزمان کو گرفتار کرلیا ، ملزمان سے تفتیش جاری ہے۔یاد رہے گذشتہ روز ڈاکوں نے جی ٹی روڈ پشاور پر بینک آف پنجاب کی کیش وین کو روک تین کروڑ لوٹ لیے تھے۔ ایس ایس پی آپریشنز نے انکشاف کیا تھا کیش سپلائی والی گاڑی نے ایس او پی پر عمل نہیں کیا تاہم مختلف مقامات کی سی سی ٹی وی فوٹیجز حاصل کی گئی ہیں، ملزمان کی تعداد 4 تھی، جو 2 موٹر سائیکلوں پر آئے تھے۔ذرائع کا کہنا تھا کہ بینک کی گاڑی میں مزید کیش بھی موجود ہے، اور بینک کا عملہ آ کر انھیں گنے گا تب درست طور پر اندازہ ہوگا کہ کتنی رقم لوٹی گئی ہے۔

کریڈٹ: انڈیپنڈنٹ نیوز پاکستان-آئی این پی