پنوعاقل میں کچے میں ڈاکوئوں کے پولیس چوکی حملے کے نتیجے میں ایک پولیس اہلکار شہید ہوگیا۔سکھرپولیس کے مطابق ڈاکوئوں نے سندھ کے شہر پنوعاقل کے علاقے گدپور کے کچے میں امن و امان کیلئے قائم کی گئی پولیس چوکی پر جدید اسلحہ سے حملہ کیا جس دوران ایک پولیس اہلکار شہید ہوگیا جب کہ ڈاکو فرار ہوگئے۔اطلاع ملنے پر پولیس کی بھاری نفری کچے میں ڈاکوں کے تعاقب میں پہنچ گئی تاہم ڈاکو فرار ہوچکے تھے۔حملے میں شہید پولیس اہلکار کی شناخت اربیلو چاچڑ کے نام سے ہوئی جب کہ زخمی اہلکار میں رضا محمد شامل ہے جسے فوری طبی امداد کے لیے اسپتال منتقل کردیا گیا۔

کریڈٹ: انڈیپنڈنٹ نیوز پاکستان-آئی این پی