محکمہ انسداد دہشت گردی (سی ٹی ڈی ) پنجاب نے انٹیلی جنس بیسڈ آپریشن کرکے کالعدم تنظیم کے 7 دہشت گرد گرفتار کرلئے۔ ترجمان سی ٹی ڈی کے مطابق کارروائی کے دوران بارودی مواد، اسلحہ، خودکش جیکٹ بنانے کا سامان بھی برآمد ہوا، گرفتار دہشت گردوں کی شناخت شیرمحمد، عبدالخالق، اکرام اللہ، نجیب اللہ کے نام سے ہوئی۔ حکام کے مطابق روان ہفتے 472 کومبنگ وسرچ آپریشن کیے گئے، دہشت گردوں کی گرفتاری ساہیوال، گوجرانولہ اورڈیرہ غازی خان سے کی گئی۔ ترجمان کے مطابق گرفتار ہونے والے دہشت گردوں کا تعلق کالعدم ٹی ٹی پی سے ہے ۔ ملزمان کے خلاف مقدمات درج کرکے تفتیش کی جارہی ہے۔ دہشت گردوں کے نیٹ ورکس حساس تنصیبات اور اہم شخصیات کو نشانہ بنانا چاہتے تھے۔

کریڈٹ: انڈیپنڈنٹ نیوز پاکستان-آئی این پی