جے یو آئی رہنماء حافظ حمد اللہ نے کہا ہے کہ علی امین گنڈاپور کی مولانا فضل الرحمن سے متعلق غلط بیانی کی مذمت کرتا ہوں، پی ٹی آئی کی قیادت کو واضح کرنا چاہیے کہ گنڈاپور کس کے ایجنڈے پر عمل پیرا ہیں۔وزیرِ اعلی خیبر پختونخوا کی سربراہ جے یو آئی سے متعلق گفتگو پر ردعمل دیتے ہوئے حافظ حمداللہ نے کہا ہے کہ علی امین گنڈاپور بار بار ہرزہ سرائی کر کے مثبت ماحول خراب کر رہے ہیں۔حافظ حمد اللہ نے کہا ہے کہ ایک طرف پی ٹی آئی قیادت اپوزیشن اتحاد تشکیل دینے کے لیے کوشاں ہے، دوسری طرف گنڈاپور بلاوجہ مولانا فضل الرحمن سے متعلق غلط بیانی کر رہے ہیں۔

کریڈٹ: انڈیپنڈنٹ نیوز پاکستان-آئی این پی