پاکستان تحریک انصاف کی جانب سے چیف الیکشن کمشنر کیخلاف دائر توہین عدالت کی درخواست پر رجسٹرار آفس نے اعتراض عائد کردیا ہے۔ اسلام آباد میں بلدیاتی انتخابات نہ کرانے پر منگل کو دائر توہین عدالت درخواست پر اعتراض عائد کیا گیا۔ اسلام آباد ہائی کورٹ کے رجسٹرار آفس نے درخواست پر اعتراض عائد کیا۔ پی ٹی آئی نے چیف الیکشن کمشنر اور ممبران کے خلاف توہین عدالت درخواست دائر کی ہے۔ رجسٹرار آفس کی جانب سے لگائے جانے والے اعتراض میں کہا گیا ہے کہ چیف الیکشن کمشنر کے خلاف کیسے توہین عدالت درخواست دائر ہو سکتی ہے؟۔ واضح رہے کہ چیف الیکشن کمشنر، چار ممبران، داخلہ اور کابینہ ڈویژن سیکریٹریز کے خلاف درخواست دائر ہے۔ پی ٹی آئی رہنما علی نواز اعوان کی جانب سے ایڈووکیٹ سردار تیمور اسلم نے درخواست دائر کی جس میں 31 دسمبر کو بلدیاتی انتخابات کرانے کے فیصلے پر عمل درآمد نہ کرنے پر توہین عدالت کاروائی کی استدعا کی گئی۔

کریڈٹ: انڈیپنڈنٹ نیوز پاکستان-آئی این پی