i پاکستان

پی ٹی آئی ارکان گھروں میں خفیہ سی سی ٹی وی کیمرے لگائین،حماد اظہرکی ہدایتتازترین

December 05, 2024

پی ٹی آئی پنجاب کے صدر حماد اظہر نے پارٹی رہنماں اور کارکنوں سے کہا ہے کہ وہ نہ صرف اپنے گھر کے احاطے کے اندر بلکہ سڑکوں اور آس پاس کے گھروں میں بھی خفیہ سی سی ٹی وی کیمرے لگائیں۔یہ ہدایت پی ٹی آئی کے ارکان کے مبینہ اغوا، جبری گمشدگیوں اور صوبوں میں ان کے گھروں اور کاروبار پر چھاپوں کے تناظر میں سامنے آئی ہے۔حماد اظہر نے سوشل میڈیا پر پوسٹس کے ذریعے پارٹی کارکنوں سے وائرلیس وائی فائی والے فعال کیمرے استعمال کرنے کو کہا، انہوں نے مزید کہا کہ پہلے پولیس نے کیمروں کی لوکیشن ٹریس کی اور پھر انہیں توڑ دیا۔انہوں نے پولیس پر ڈی وی آر (ریکارڈنگ بکس) چوری کرنے کا بھی الزام لگایا۔ انہوں نے فوج سے کہا کہ وہ واپس بیرکوں میں جائیں اور اپنے ہی لوگوں کے خلاف مبینہ ظلم بند کریں۔26 نومبر کو اسلام آباد میں مظاہرین کی ہلاکتوں پر غم و غصے کا اظہار کرتے ہوئے پی ٹی آئی کے صوبائی صدر نے الزام لگایا کہ لوگوں کے جمہوری حقوق کو پامال کیا گیا ہے اور صورتحال اب خطرناک مرحلے میں داخل ہو رہی ہے۔ان کا کہنا تھا کہ اسلام آباد کا قتل عام اس فسطائیت کے تمام کرداروں، ملکی اور غیر ملکی سطح پر طاقت کے بے جا استعمال اور انسانی حقوق کی خلاف ورزی کو ظاہر کرنے کے لیے کافی ہونا چاہیے۔انہوں نے اپیل کی کہ یہ حماقت فوری طور پر بند کریں اور پاکستانی عوام کے ساتھ کھڑے ہوں۔ انہوں نے دعوی کیا کہ پی ٹی آئی کے رہنما عالمگیر خان کو نقاب پوش افراد نے ان کی رہائش گاہ سے اغوا کرلیا ہے۔حماد اظہر نے کہا کہ این اے 236 کراچی سے متعلق انتخابی دھاندلی کیس فیصلہ کن مرحلے میں داخل ہو چکا ہے۔ انہوں نے مزید کہا کہ عالمگیر خان نے اس حلقے سے ایک لاکھ سے زائد ووٹ حاصل کیے لیکن وقت کے فرعونوں نے فارم 47 میں ایک ہزار ووٹ دکھائے اور آخری نمبر پر آنے والے ایم کیو ایم کے امیدوار کو فاتح قرار دیا۔

کریڈٹ : انڈیپنڈنٹ نیوز پاکستان-آئی این پی