جمعیت علمائے اسلام (ف )کے جنرل سیکریٹری مولانا عبدالغفور حیدری نے کہا ہے کہ پی ٹی آئی 26ویں آئینی ترمیم کی حمایت میں شامل تھی، جبکہ بشری بی بی کے بعد عمران خان بھی آج نہیں تو کل رہا ہوجائیں گے۔ میڈیا سے گفتگو کرتے ہوئے عبدالغفور حیدری نے کہا کہ آئینی ترمیم میں پی ٹی آئی مکمل طور پر ہمارے ساتھ تھی، یہاں تک کہ ہم نے سب چیزیں طے ہونے کے بعد پورا مسودہ پی ٹی آئی کو فراہم کیا تھا۔ عمران خان کے علاوہ تمام قیادت نے مسودے پر کسی قسم کا کوئی اعتراض نہیں کیا تھا بلکہ اسے مکمل درست قرار دیا تھا۔ انہوں نے مزید کہا کہ پی ٹی آئی کی قیادت کے جیلوں میں ہونے کی وجہ سے ہم نے خود انہیں ترمیم کے حق میں ووٹ دینے سے روکا تھا۔

کریڈٹ: انڈیپنڈنٹ نیوز پاکستان-آئی این پی