فیصل آباد کی انسداد دہشت گردی عدالت نے 9 مئی کو جلا گھیرا کے کیس میں سابق ایم پی اے لطیف نذر گجر سمیت 7 ملزمان کی ضمانتیں خارج کردیں۔ عمران خان کی 9 مئی کو اسلام آباد ہائیکورٹ سے گرفتاری کے بعد پی ٹی آئی کے کارکنان نے پر تشدد احتجاج کیا، جلا گھیرا اور توڑ پھوڑ بھی کی گئی۔ فیصل آباد کی انسداد دہشت گردی کی عدالت نے سابق رکن پنجاب اسمبلی لطیف نذر گجر سمیت 7 کارکنان کی جلا گھیرا کے مقدمے کی سماعت کی۔ عدالت نے لطیف نذر گجر سمیت دیگر افراد کی عدم پیروی کی بنا پر ضمانتیں خارج کردیں۔ پی ٹی آئی ایم پی اے لطیف نذر گجر کیخلاف تھانہ سول لائنز میں مقدمہ درج ہے۔

کریڈٹ: انڈیپنڈنٹ نیوز پاکستان-آئی این پی