سعودی عرب کے دارلحکمت ریاض کا السویدی پارک اس وقت ثقافتی تجربات کا مرکز بنا ہوا ہے جہاں زائرین مختلف ممالک کی ثقافتوں سے لطف اندوز ہو رہے ہیں۔ یہ تمام سرگرمیاں سعودی عرب کی وزارتِ اطلاعات اور تفریحی ادارے کی مشترکہ کاوش ہیں جن کا مقصد مقیم غیرملکیوں کے ساتھ رابطے کو فروغ دینا ہے۔گزشتہ ہفتوں یہاں پر انڈین، فلپائنی، اور انڈونیشی ثقافتیں پیش کی گئی ہیں اور اب رواں ہفتے پاکستان کی ثقافت کا جشن منایا جائے گا۔ یہ سلسلہ 30 اکتوبر سے 2 نومبر تک جاری رہے گا جہاں پاکستان کی ثقافت کا جشن منایا جائے گا۔ اس دوران پاکستانی فنکاروں کی شاندار پرفارمنسز ہوں گی جن میں عاصم اظہر، جعفر شاہ، فبیہ ہاشمی، اور یونگ اسٹونرز شامل ہیں۔ کل جمعہ کو پاکستانی سٹار عاصم ظہر موسیقی کی محفل سجائیں گے جبکہ مشہور کرکٹر شعیب ملک بھی اس موقع پر موجود ہوں گے۔ اس کے بعد ہفتہ کو یونگ اسٹونرز اپنے منفرد ریپ کے ساتھ اسٹیج پر آئیں گے۔زائرین کو مزیدار کھانوں، ثقافتی مظاہر، اور دلچسپ بازاروں کا بھی انتظار ہے جہاں ہنر مندوں کے ہاتھ سے بنی چیزیں خریدنے کا موقع ملے گا۔ بچوں کے لیے بھی خاص طور پر کھیلنے کا میدان تیار کیا گیا ہے۔السویدی پارک میں یہ ثقافتی تجربہ مختلف ممالک کی ثقافتوں کو ملانے کا ایک شاندار موقع فراہم کر رہا ہے۔ لوگوں نے ان تقریبات کی تعریف کی ہے جو انہیں مختلف ثقافتوں کے قریب لانے میں مددگار ثابت ہو رہی ہیں۔

کریڈٹ: انڈیپنڈنٹ نیوز پاکستان-آئی این پی