وفاقی وزیر اطلاعات و نشریات عطا تارڑ نے کہا ہے کہ پاکستانی ترکیہ کو اپنا دوسرا گھر سمجھتے ہیں، پاکستان اور ترکیہ کے تعلقات دہائیوں پر محیط ہیں۔اسلام آباد میں پاک ترکیہ فرینڈ شپ ریڈیو میوزیم کی افتتاحی تقریب سے خطاب کرتے ہوئے انہوں نے کہا کہ جو قومیں اپنے ماضی پر فخر نہیں کرسکتی وہ کبھی ترقی نہیں کرتی۔انہوں نے کہا کہ پاکستان اور ترکیہ کے درمیان دیرینہ دوستی ہے، دونوں ممالک کے تعلقات کئی دہائیوں پر محیط ہیں۔عطاتارڑ کا کہنا تھا کہ ترکیہ میں پاکستانیوں کو قدر کی نگاہ سے دیکھا جاتا ہے جس پر ہم بہت فخر محسوس کرتے ہیں، ہمارے اوپر فرض ہے کہ آئندہ نسلوں کو دونوں ممالک کی دوستی کے حوالے سے دہائیوں پر مبنی تاریخی تعلقات کے حوالے سے آگاہ کرنے کی ضرورت ہے۔

کریڈٹ : انڈیپنڈنٹ نیوز پاکستان-آئی این پی