صدر مملکت آصف علی زرداری نے کہا ہے کہ پاکستان اور سعودی عرب کے درمیان طویل المدتی اور آزمودہ تعلقات ہیں، ان تعلقات کو ایک طویل المدتی اسٹریٹجک اور اقتصادی شراکت داری میں تبدیل کیا جائے، اسلامی دنیا کے پرامن مستقبل کیلئے کام کرنا چاہیے۔ ان خیالات کااظہار انہوں نے سعودی وزیر سرمایہ کاری خالد بن عبدالعزیز الفالح کی قیادت میں وفد سے ملاقات میں کیا ۔وفد نے جمعرات کو ایوان صدر میں ان سے ملاقات کی ۔ملاقات میں دونوں برادر ممالک نے معیشت، زراعت، کان کنی اور انفارمیشن ٹیکنالوجی کے شعبوں میں تعاون بڑھانے پر زور دیا اور معیشت، زراعت، کان کنی اور انفارمیشن ٹیکنالوجی میں تعاون بڑھانے کے عزم کا اعادہ کیا گیا ، دونوں ممالک نے تعلقات کو ایک طویل المدتی اسٹریٹجک اور اقتصادی شراکت داری میں تبدیل کرنے کی خواہش کا اظہار بھی کیا۔اس موقع پر صدر مملکت آصف علی زرداری کا کہنا تھا کہ اسلامی دنیا کے پرامن مستقبل کیلئے کام کرنا چاہیے۔ پاکستان اور سعودی عرب کے درمیان طویل المدتی اور آزمودہ تعلقات ہیں، ان تعلقات کو ایک طویل المدتی اسٹریٹجک اور اقتصادی شراکت داری میں تبدیل کیا جائے۔

آصف علی زرداری نے پاکستان کی جانب سے سعودی عرب کے ساتھ غیر متزلزل یکجہتی کے عزم کا اعادہ کیا اور سعودی عرب کے ولی عہد محمد بن سلمان آل سعود کی بصیرت افروز قیادت کی تعریف کی۔انہوں نے سعودی عرب کی ویژن 2030 کے تحت شاندار ترقی کو سراہتے ہوئے کہا کہ سعودی عرب کی ترقی اور خوشحالی ہمارے لیے باعث مسرت اور فخر ہے۔ صدر مملکت نے ہر مشکل گھڑی میں پاکستان کا ساتھ دینے پر سعودی عرب کا شکریہ ادا کیا اور کہا کہ سعودی عرب کی ترقی اور خوشحالی ہمارے لئے باعث مسرت اور فخر ہے۔ دونوں برادر ممالک کو خطے اور اسلامی دنیا کے خوشحال اور پرامن مستقبل کی تعمیر کے لئے کام کرنا چاہیے۔ اس موقع پر سعودی وزیر برائے سرمایہ کاری کا کہنا تھا کہ سعودی عرب نے پاکستان کے تعمیری انفراسٹرکچر اور کان کنی کے شعبوں میں سرمایہ کاری کا منصوبہ بنایا ہے، سعودی وفد مختلف شعبوں میں 25 معاہدوں پر دستخط کرے گا۔انہوں نے مزید کہا کہ ان معاہدوں سے دوطرفہ اقتصادی تعاون کے نئے دور کا آغاز ہوگا۔

کریڈٹ: انڈیپنڈنٹ نیوز پاکستان-آئی این پی