پاکستان انٹرنیشنل ائیرلائن کا خسارہ سال دو ہزار سترہ میں اکاون ارب جبکہ سال دو ہزار بائیس میں اٹھاسی ارب تک پہنچ گیا وزارت ہوا بازی نے گزشتہ پانچ سالوں کی خسارے کی تفصیلات قومی اسمبلی میں پیش کر دیں۔جمعہ کوپینل آف چئیر کے رکن محمود بشیر ورک کی صدارت میں قومی اسمبلی کا اجلاس ہوا،وقفہ سوالات کے دوران وزارت ہوابازی ادارے کے خسارے کی پانچ سالہ تفصیلات ایوان میں پیش کر دیں جس کے مطابق سال 2022میں پی آئی اے 88 ارب روپے رہا جبکہ سال 2021 میں پی آئی اے خسارہ 50 ارب سال 2020 میں پی آئی اے خسارہ 34 ارب 64 کروڑ سال 2019 میں پی آئی اے خسارہ 52 ارب 60 کروڑ سال 2018 میں پی آئی اے خسارہ 67 ارب 32 کروڑ اورسال 2017 میں پی آئی اے خسارہ 51 ارب روپے تھا۔

کریڈٹ: انڈیپنڈنٹ نیوز پاکستان-آئی این پی