پاکپتن میں ملزمان نے اسلحہ کے زور پر سیکنڈ ایئر کی طالبہ کو اغوا کرکے اسے مبینہ طورپر زیادتی کا نشانہ بنا ڈالا، ملزمان لڑکی کی نازیبا ویڈیو بنا کر اسے بلیک میل کرتے رہے۔پولیس نے ڈی پی او کے نوٹس لینے پر طالبہ کے اغوا کے واقعے کا مقدمہ درج کرکے ایک مرکزی ملزم کو گرفتار کرلیا۔ میڈیا رپورٹ کے مطابق محلہ انعام آباد کی رہائشی 14 سالہ آئی سی ایس کی طالبہ کو ملزم افنان نے دو خواتین سمیت تین ملزمان کی مدد سے زبردستی اغوا کیا اور اسلحہ کے زور پر زیادتی کا نشانہ بنایا۔ مذکورہ ملزمان نے متاثرہ لڑکی کی نازیبا ویڈیو بنائیں اور اسے بلیک میل کرتے رہے۔ڈی پی او پاکپتن طارق ولایت نے واقعے کا سختی سے نوٹس لیا جس کے بعد تھانہ فرید نگر پولیس نے مرکزی ملزم افنان کو گرفتار کر لیا۔پولیس نے متاثرہ لڑکی کی والدہ رخسانہ بی بی کی مدعیت میں دو خواتین سمیت چار ملزمان کے خلاف لڑکی کے اغوا اور زیادتی کا مقدمہ درج کرلیا ہے۔ملتان کے نشتر میڈیکل کالج کے گارڈن سے طالبہ کے اغوا کا مقدمہ تھانہ کینٹ میں فائنل ایئر کے طالب علم معاذ ارشد کی مدعیت میں درج کیا گیا ہیمقدمے متن کے مطابق مغویہ فائنل ایئر کی طالبہ ہے معاذ ارشد اور مغویہ نشتر یونیورسٹی سے ہاسٹل جارہے تھے کہ عبدالرحمان اور عبدالکریم طالبہ کو اغوا کر کے گاڑی میں فرار ہوئے۔

کریڈٹ : انڈیپنڈنٹ نیوز پاکستان-آئی این پی