ترجمان پاک بحریہ نے کہا ہے کہ پاک بحریہ کا سیلاب زدگان کے لئے کشتیوں اور ہیلی کاپٹرز کے ذریعے ریلیف اینڈ ریسکیو آپریشن جاری ،سندھ کے ساتھ امدادی آپریشن کا دائرہ کار ڈی آئی خان اور خیبر پختونخواہ کے دیگر علاقوں تک بڑھا دیا ہے۔ ترجمان نے بتایا ہے کہ پاک بحریہ کی ٹیموں نے رات گئیبذریعہ بوٹس دادو کے گاں گوزو سے 253 افراد کو ریسکیو کیا ہے جبکہریسکیو کیے گئے افراد کو ہیلی کاپٹرز کے ذریعے بحفاظت محفوظ مقام پر منتقل کردیا گیاہے۔ ترجمان کا کہنا تھا کہ پاک بحریہ کے غوطہ خوروں نے سیہون شریف میں ڈوبنے والے 5 افراد میں سے 4 لاشیں تلاش کرلیں ہیں۔ پاک بحریہ کے ترجمان کے مطابق سیلاب سے شدید متاثرہ میران مچھی اور رئیس جمال حسن گوٹھ کے رہائشیوں کے انخلا کا آپریشن بھی جاری ہے۔ اسکے علاوہ مختلف علاقوں میں سیلاب متاثرین کو طبی سہولیات, راشن, تیارکھانا اور بنیادی اشیائے ضرورت کی فراہمی مسلسل جاری ہے۔

کریڈٹ: انڈیپنڈنٹ نیوز پاکستان-آئی این پی