سمندری طوفان بائپرجوائے،پاک بحریہ کی ساحلی علاقوں میں امدادی کاموں کی تیاریاں جاری ہیں، ترجمان پاک بحریہ کا کہنا ہے کہ جوانوں نے شاہ بندر سے سیکڑوں افراد کو محفوظ مقامات پر منتقل کیا۔ ترجمان پاک بحریہ کا کہنا ہے کہ ماہی گیروں کی حفاظت کیلئے سمندرمیں پٹرولنگ جاری ہے۔ 64 ماہی گیروں کو سمندرسے ریسکیو کیا جا چکا ہے۔ ترجمان کے مطابق کراچی میں ہیڈ کوارٹرز کمانڈر کراچی کے زیرانتظام سائیکلون مانیٹرنگ سیل قائم کردیا گیا۔ ساحلی علاقوں میں موجود پاک بحریہ کے اسپتالوں میں ایمرجنسی نافذ کردی گئی۔ پاک بحریہ کے کمانڈر کوسٹ امدادی سرگرمیوں کی نگرانی کررہے ہیں۔

کریڈٹ: انڈیپنڈنٹ نیوز پاکستان-آئی این پی