وزیراعظم شہباز شریف 31 اکتوبر کوقطرکے دورے پر دوحہ جائیں گے۔ سفارتی ذرائع کے مطابق وزیراعظم شہباز شریف قطر کا دورہ امیر قطر تمیم بن حمدالثانی کی دعوت پر کررہے ہیں، شہباز شریف دوحہ میں پاکستانی نوادرات، آرٹس و کلچر کی نمائش کا افتتاح کریں گے۔سفارتی ذرائع کا کہنا ہے کہ وزیراعظم شہباز شریف امیر قطر اور اعلی قطری قیادت سے ملاقاتیں بھی کریں گے، ملاقاتوں میں دو طرفہ تعلقات کے فروغ پر تبادلہ خیال ہو گا۔ سفارتی ذرائع کا مزید کہنا ہے کہ قطری سرمایہ کاروں کے پاکستان میں سرمایہ کاری کیلئے مواقع کاجائزہ لیا جائیگا۔

کریڈٹ: انڈیپنڈنٹ نیوز پاکستان-آئی این پی