وزیراعلی خیبرپختونخوا کے اعلان کے باوجود ائیر ایمبولینس منصوبہ شروع نہ ہوسکا۔میڈیا رپورٹ کے مطابق ذرائعکا کہنا ہے کہ ائیر ایمبولینس منصوبے کیلئے سالانہ ترقیاتی پروگرام میں رقم مختص کی گئی تھی لیکن کرم تنازع کے دوران بھی سرکاری ہیلی کاپٹر کو بطور ائیر ایمبولینس استعمال نہیں کیا جاسکا۔ذرائع نے بتایا کہ ہیلی کاپٹرکرم سے زخمیوں کو لانے اور لوگوں کو منتقل کرنیکیلئے استعمال کیا گیا۔صوبائی سیکرٹری صحت کا کہنا ہیکہ ائیر ایمبولینس کی سمری وزیراعلی کے پی کو بھیج دی ہے، منصوبے پر 8 کروڑ روپے لاگت آئے گی اور فنڈز ڈی جی ایوی ایشن کو فراہم کریں گے۔سیکرٹری صحت نے کہا کہ وزیراعلی خیبرپختونخوا کی جانب سے سمری کی منظوری ملتے ہی منصوبہ شروع کیاجائیگا۔

کریڈٹ : انڈیپنڈنٹ نیوز پاکستان-آئی این پی