وزیر اعظم محمد شہباز شریف کے کامیاب دورہ چین کے بعد بزنس ٹو بزنس تعاون میں اضافہ، پاکستان اور چین کیمعروف کاروباری اداروں ہینان روژو آئیڈیل اسٹارچ اور کے اے ایس بی کارپوریشن آف پاکستان نے پاکستان میں آلو کے نشاستے کے جدید پلانٹ کی تعمیر کے لئے مفاہمت کی یادداشت پر دستخط کیے ہیں۔ چین میں پاکستانی سفارتخانے کے ٹریڈ اینڈ انویسٹمنٹقونصلر غلام قادر نے کہا کہ اس اسٹریٹجک شراکت داری کا مقصد خطے میں دستیاب آلو کے وافر وسائل سے فائدہ اٹھانا اور اس متنوع زرعی مصنوعات کی بڑھتی ہوئی طلب کو پورا کرنا ہے۔ گوادر پرو کے مطابق ٹریڈ اینڈ انویسٹمنٹ کونسلر غلام قادر نے کہا کہ وزیر اعظم پاکستان میاں محمد شہباز شریف کے کامیاب دورہ چین کے بعد بزنس ٹو بزنس تعاون میں اضافہ ہو رہا ہے۔ اس مفاہمت نامے سے چینی شراکت داروں کی مہارت اور تکنیکی مہارت کو بروئے کار لایا جائے گا اور اعلی معیار کے آلو نشاستے کی موثر اور پائیدار پیداوار کو یقینی بنایا جائے گا۔ توقع ہے کہ اس منصوبے سے نہ صرف پاکستان کے زرعی شعبے کو تقویت ملے گی بلکہ خطے کی مجموعی معاشی ترقی میں بھی مدد ملے گی۔ گوادر پرو کے مطابق دونوں اداروں کے درمیان مفاہمت کی یادداشت دونوں فریقوں کے لئے ایک نیا تعاون کا طریقہ کار فراہم کرے گی ، جس میں معلومات کے تبادلے ، ٹیکنالوجی کی منتقلی ، صلاحیت سازی ، پروجیکٹ مینجمنٹ اور زراعت اور پروسیسڈ مصنوعات کے شعبوں میں سرمایہ کاری کے فروغ کا احاطہ کیا جائے گا۔ گوادر پرو کے مطابق ایم او یو میں مزید کہا گیا ہے کہ دونوں فریقین چین اور پاکستان کے درمیان اس وقت سازگار دوطرفہ کاروباری ماحول سے فائدہ اٹھاتے ہوئے زراعت اور پروسیسڈ مصنوعات کے شعبوں میں جمع ہونے والے سالوں کے تجربے سے بھرپور فائدہ اٹھاتے ہوئے پاکستان میں اس منصوبے کی لینڈنگ کا عہد کریں گے۔ گوادر پرو کے مطابق ہینان روژو آئیڈیل اسٹارچ اور کے اے ایس بی کارپوریشن آف پاکستان چین اور پاکستان کے درمیان آلو ڈیپ پروسیسنگ کے پہلے کامیاب منصوبے کو تعاون بننے کے لئے مل کر سخت محنت کریں گے۔

کریڈٹ: انڈیپنڈنٹ نیوز پاکستان-آئی این پی