وزیر اعظم شہباز شریف نے پاکستان بھر میں ہندو برادری کو ہولی کے پرمسرت موقع پر دلی مبارکباد پیش کرتے ہوئے کہا ہے کہ یہ تہوار جو بہار کی آمد کا اعلان اور محبت اور اچھائی کی فتح کی علامت ہے، ایک متحرک توانائی کا احساس دلاتا ہے۔وزیر اعظم ہائوس سے جاری بیان کے مطابق ہولی کے تہوار پر اپنے پیغام میں وزیر اعظم شہبازشریف کا کہنا تھا کہ نئی شروعات اور تجدید تعلقات کی مضبوطی کا جشن مناتے ہوئے، یہ دن ایک مضبوط، زیادہ متحد قوم کی تعمیر کی اہمیت اور تمام شہریوں کی شمولیت کو اجاگر کرتا ہے۔شہباز شریف نے مزید کہا کہ رنگوں کا یہ تہوار آپ کی زندگیوں کو خوشیوں، صحت کی کامیابیوں اور خوشحالی سے بھر دے، ہولہ مبارک۔

کریڈٹ: انڈیپنڈنٹ نیوز پاکستان-آئی این پی