وفاقی کابینہ میں توسیع کے معاملے پر پندرہ سے بیس اراکین کی فہرست باضابطہ منظوری کے لیے مسلم لیگ ن کے صدر نواز شریف کو بھجوا دی گئی۔ذرائع ن لیگ کے مطابق کابینہ میں توسیع کے معاملے پر اتحادیوں سے بھی مشاورت مکمل کرلی گئی ، تاہم پیپلز پارٹی نے وفاقی کابینہ میں شمولیت کی پیش کش پھر ٹھکرا دی۔ذرائع کا کہنا ہے کہ وزیراعظم کی وطن واپسی کے بعد نئے کابینہ اراکین کے حلف اٹھانے کا امکان ہے، پانچ سے زائد وفاقی وزرا، دس وزرا مملکت جبکہ بعض کو مشیر اور معاونین خصوصی بنایا جائے گا۔

کریڈٹ: انڈیپنڈنٹ نیوز پاکستان-آئی این پی