پی ٹی آئی رہنما مہربانوقریشی نے کہا ہے کہ مسلم لیگ (ن ) نے سیاست میں بدتمیزی کی بنیاد رکھی، الیکشن میں عوام نے پی ٹی آئی کومینڈیٹ دیا۔ایک انٹرویو میں انہوں نے کہا کہ یہ حکومت مردہ گھوڑے کی طرح ہے، اعجازچودھری کے تین دفعہ پروڈکشن آرڈرجاری ہوئے، یوسف رضا گیلانی کوتحفہ میں نشست ملی اس لیے نہیں بول سکتے، شہبازشریف اتنے بااختیارنہیں کہ وہ نوٹس لے سکیں۔پی ٹی آئی رہنما کا کہنا تھا کہ پانی کا مسئلہ سنگین نوعیت کا ہے، مشترکہ مفادات کونسل میں یہ معاملہ اٹھانا چاہیے،بانی نے ٹویٹ میں حقائق کا ذکرکیا ہے، قومیں غلطیوں سے سیکھ کرآگے بڑھتی ہیں۔مہر بانو قریشی نے کہا کہ بینظیرکی شہادت کے دوران پورے کراچی کوآگ لگائی گئی جبکہ پیپلزپارٹی کا موقف ہے کہ بلاول کو دھاندلی کرکے لاہورمیں ہرایا گیا، لیکن پیپلزپارٹی دھاندلی کرنیوالی جماعت کی ہی اتحادی ہے۔ان کا مزید کہنا تھا کہ امید ہے جمعرات کوسیاسی لیڈرشپ کی بانی پی ٹی آئی سے ملاقات ہو گی، جے یو آئی سے رابطے ہیں، اتحاد بننے میں وقت لگتا ہے۔

کریڈٹ: انڈیپنڈنٹ نیوز پاکستان-آئی این پی