جمعیت علما اسلام (جے یو آئی ف )کے رہنما اور پاکستان ڈیموکریٹک موومنٹ ( پی ڈی ایم )کے ترجمان حافظ حمد اللہ نے کہا ہے کہ کشمیر کے مسئلہ کو اقوام متحدہ کی قراردادوں کے مطابق حل ہونا چاہیے ، ہماری خواہش ہے کہ قومی اسمبلی اپنی مدت پوری کرے ،میرپور آزاد کشمیر میں پریس کانفرنس کرتے ہوئے انہوں نے کہاکہ مولانا فضل الرحمن نے کشمیر کمیٹی کے چیئرمین کے طور پر مسئلہ کشمیر پر آواز بلند کی ، سات دہائیوں سے کشمیر کے مسئلے کا حل نہیں نکالا جا سکا جو سراسر زیادتی ہے ،ترجمان پی ڈی ایم کا کہنا تھا کہ بھارت نے 5اگست 2019کو کشمیر کی حیثیت کو ختم کیا اس کو بحال کیا جائے ، مودی گجرات میں مسلمانوں کا قاتل ہے اس سے خیر کی کوئی توقع نہیں،حافظ حمد اللہ نے سابق وزیر اعظم پر الزام عائد کیا کہ عمران خان اور اس کے سہولت کاروں نے کشمیر کو مودی کے ہاتھ میں دیا ،انہوں نے کہا کہ عمران خان 9مئی کو ہونے والے واقعات کا ماسٹر مائنڈ تھا ، عمران خان اور اس کے حواریوں نے 9مئی کو جو کیا اس میں کسی کو کوئی معافی نہیں ملنی چائیے ۔

کریڈٹ: انڈیپنڈنٹ نیوز پاکستان-آئی این پی