پنجاب کی وزیر اطلاعات عظمیٰ بخاری نے کہا ہے کہ مریم نواز کی کارکردگی سے پیپلز پارٹی دبائو محسوس کرتی ہے' گورنر پنجاب کی باتوں سے کوئی فرق نہیں پڑتا انہیں سنجیدہ نہ لیا کریں۔ ایک ٹی وی پروگرام میں گفتگو کرتے ہوئے عظمیٰ بخاری نے کہا کہ گورنر پنجاب تو بہت کچھ کہتے رہتے ہیں، ان کی باتوں کو سنجیدہ نہیں لیا کریں، ان کی باتوں سے کوئی فرق نہیں پڑتا، گورنر پنجاب کے کہنے سے تو کوئی وزیرِ اعظم بنے گا اور نہ ہٹے گا۔ انہوں نے کہا کہ سندھ کے تاجروں نے مریم نواز کی انتظامی کارکردگی کی تعریف کی تو ان کی شامت آ گئی تھی، مجھے معلوم ہوا کہ وزیرِ اعلی سندھ نے اپنے ترجمانوں کو کہا ہے کہ سیٹ بیلٹ باندھ لیں۔انہوں نے یہ بھی کہا کہ ہم حتیٰ الامکان کوشش کرتے ہیں کہ بیانات پر ردِ عمل نہ دیں، سندھ میں کوئی پراجیکٹ شروع ہوتا ہے تو ہمیں خوشی ہوتی ہے۔

کریڈٹ: انڈیپنڈنٹ نیوز پاکستان-آئی این پی