کمشنر ملتان کی جانب سے ڈویژن بھر میں غیر قانونی ایل پی جی کنٹینرز کے داخلے پر پابندی عائد کر دی گئی ۔ تفصیل کے مطابق کمشنر ملتان عامر کریم خان نے ڈویژن بھر میں غیر قانونی ایل پی جی کنٹینرز کے داخلے پر پابندی عائد کر دی ہے اور واضح کیا ہے کہ اس پابندی کی خلاف ورزی کرنے اور غیر قانونی باوزرز کے ملتان ڈویژن میں داخلے پر ذمہ داروں کیخلاف سخت کارروائی کی جائے گی۔کمشنر ملتان نے کہا ہے کہ انسانی جانوں کے تحفظ کے لیے اقدامات ناگزیر ہیں اور انہوں نے متعلقہ حکام کو ہدایت کی ہے کہ ناکے لگا کر اوگرا سے غیر رجسٹرڈ ایل پی جی باوزرز کو آف روڈ کیا جائے۔واضح رہے کہ گزشتہ ماہ ملتان سمیت پنجاب کے مختلف شہروں میں ایل پی جی کنٹینر پھٹنے کے کئی واقعات رونما ہوئے تھے اور ان حادثات میں متعدد افراد جاں بحق اور درجنوں زخمی ہوئے تھے۔ملتان کے علاقے مظفرگڑھ روڈ پر فہد ٹان میں ایل پی جی بازر کو آگ لگنے کی ابتدائی تحقیقاتی رپورٹ میں انکشاف ہوا تھا کہ 16 ،15 افراد بازر سیا یل پی جی کی ری فلنگ کر رہے تھے کہ اچانک بازرمیں آگ لگی تو وہ کسی کواطلاع دیے بغیر فرارہو گئے۔

کریڈٹ: انڈیپنڈنٹ نیوز پاکستان-آئی این پی