محکمہ موسمیات کا کہنا ہے کہ اسلام آباد سمیت ملک کے بیشتر علاقوں میں آئندہ24گھنٹوں میں بھی گرج چمک کے ساتھ بارش کا امکان ہے۔ محکمہ موسمیات کے مطابق وفاقی دارالحکومت میں تیز ہوائوں، آندھی اور گرج چمک کے ساتھ بارش کا امکان ہے، پنجاب کے علاقوں مری، گلیات، راولپنڈی، اٹک، چکوال، جہلم اور تلہ گنگ میں بارش متوقع ہے جبکہ میانوالی، حافظ آباد، گوجرانوالہ، منڈی بہاالدین اور سرگودھا میں بھی بارش ہوسکتی ہے۔ گجرات، سیالکوٹ، نارووال، لاہور اور شیخوپورہ میں بارش اور ژالہ باری کا امکان ہے جبکہ فیصل آباد میں بھی گرج چمک کے ساتھ بارش ہو گی۔ بلوچستان کے اضلاع لسبیلہ، واشک، خضدار اور گردو نواح میں گرج چمک کے ساتھ بارش کا امکان ہے،سندھ کے علاقوں سکھر، لاڑکانہ، جیکب آباد، دادو اور کشمور میں بارش متوقع ہے جبکہ دیگر علاقوں کا موسم گرم اور خشک رہے گا۔ خیبر پختونخوا کے علاقوں چترال، دیر، سوات، مالاکنڈ، شانگلہ اور کوہستان میں بارش ہو سکتی ہے اور بٹگرام، مانسہرہ، ایبٹ آباد، بونیر، باجوڑ اور مہمند میں بارش کا امکان ہے۔ خیبر، اورکزئی، کرم، ہری پور، پشاور، چارسدہ، نوشہرہ، صوابی، کوہاٹ اور بنوں میں تیز ہواں کے ساتھ بارش متوقع ہے، وزیرستان اور ڈیرہ اسماعیل خان میں بھی بارش وژالہ باری کا امکان ہے۔ گلگت بلتستان اور آزاد کشمیر میں بھی تیز ہواوں اور گرج چمک کے ساتھ بارش کا امکان ہے۔

کریڈٹ: انڈیپنڈنٹ نیوز پاکستان-آئی این پی