پی ٹی آئی رہنما اور اپوزیشن لیڈر عمر ایوب نے کہا ہے کہ میری گرفتاری کے ذمہ دار شہباز شریف،مریم نواز،آ ئی جی پنجاب اور ڈی پی او اٹک ہیں، مجھے اڈیالہ جیل چوکی میں غیر قانونی حراست میں رکھا گیا، میرے پاس پشاور ہائی کورٹ کی حفاظتی ضمانت موجود ہے،راولپنڈی میں عدالت کی جانب سے ضمانت منظور ہونے اور رہائی کا حکم ملنے کے بعد میڈیا سے گفتگو کرتے ہوئے رہنماپی ٹی آئی نے کہا کہ عدالت نے پولیس سے پوچھا ہائیکورٹ سے ضمانت ہو تو آپ کے پاس کیا اختیار ہے گرفتاری کا۔پولیس کے پاس عدالت کے سوال کا کوئی جواب نہیں تھا۔ مجھے گزشتہ روز یک جھوٹے مقدمے میں گرفتار کیا گیاجس پر عدالت نے میری ضمانت منظور کی ہے، اڈیالہ جیل سے رات کو پولیس لائنز منتقل کیا گیا۔پولیس لائنز میں بھی غیر قانونی حراست میں رکھا گیا۔یاد رہے کہ اس سے قبل انسداد دہشتگردی عدالت راولپنڈی نے گزشتہ رات اڈیالہ جیل سے گرفتار کئے گئے تحریک انصاف کے عمر ایوب اور راجہ بشارت سمیت پانچ رہنماوں کو رہا کرنے کا حکم دیاتھا۔

کریڈٹ : انڈیپنڈنٹ نیوز پاکستان-آئی این پی