مٹیاری میں بے روزگار شوہر نے پبلک سروس امتحان پاس کر کے لیکچرار بننے والی بیوی کو گولیاں مار کر قتل کردیا۔تفصیل کے مطابق مٹیاری کی تحصیل نیوسعید آباد کے نواحی علاقے بکھر جمالی میں شوہر کی فائرنگ سے اہلیہ جاں بحق ہوگئی۔پولیس نے بتایا شوہر نے اپنی لیکچرار بیوی کو گولیاں ماریں، جس سے رابعہ افشاں نامی خاتون موقع پر دم توڑ گئی۔ حکام کا کہنا تھا کہ تین بچوں کی ماں مقتولہ رابعہ دوماہ قبل سندھ پبلک سروس کمیشن کا امتحان پاس کرکے لیکچراربھرتی ہوئی تھی۔پولیس کے مطابق قتل کی وجہ تاحال معلوم نہیں ہوسکی ہے، ملزم کی تلاش جاری ہے۔ یاد رہے صوبہ پنجاب کے شہر میں ایک افسوسناک واقعہ پیش آیا تھا، جہاں ضلع چکوال کے نواحی علاقے ندرال میں گھریلو ناچاقی پر میاں بیوی نے تیزاب پی لیا تھا۔پولیس کا کہنا تھا کہ دونوں میاں بیوی کو ابتدائی طور پر ڈی ایچ کیو اسپتال منتقل کیا گیا ہے، خاوند کی حالت تشویشناک ہونے پر راولپنڈی ریفر کر دیا گیا۔

کریڈٹ: انڈیپنڈنٹ نیوز پاکستان-آئی این پی