وزیر اعلی خیبرپختونخوا محمودخان نے مانسہرہ میں ٹریفک پولیس اہلکاروں کی جانب سے ریڑھی بانوں اور مزدوروں کے ساتھ بدسلوکی کا نوٹس لے لیا۔ ریڑھی بانوں کے ساتھ بدسلوکی کی ویڈیو گزشتہ روز سوشل میڈیا پر وائرل ہوگئی تھی۔ وزیراعلی کی جانب سے نوٹس لینے پر ضلعی پولیس سربراہ نے پولیس اہلکار معطل کرکے حوالات میں بند کردیا۔ پولیس اہلکار کے خلاف واقعہ کی تحقیقات شروع کردی گئی ہیں،اس بارے میں وزیراعلی نے واضح کیا کہ پولیس سمیت تمام سرکاری اداروں / محکموں کے اہلکاروں کو رویوں میں مثبت تبدیلی لانا ہوگی۔

کریڈٹ: انڈیپنڈنٹ نیوز پاکستان-آئی این پی