سابق گورنر سندھ عمران اسماعیل نے کہا ہے کہ پاکستان پر حکمرانی کرنے والے دو خاندان سیاسی نہیں، مافیاز ہیں، لوگوں کو مروانا ہو یا صحافیوں کو دبانا، کوئی مشکل کام نہیں، پی پی، ن لیگ ہمیشہ اداروں پر حملہ آور ہوتی رہی ہیں،سابق گورنر سندھ نے اپنے ٹوئٹر بیان میں کہا کہ قانونی و انصاف کا نظام مفلوج کردیے گئے، عوام کو روٹی کپڑا مکان میں پھنساکر لوٹ مار جاری ہے، اس لیے اب حقیقی آزادی کی جدوجہد آخری مرحلے میں جانا لازم ہوچکی ہے،ایک اور ٹوئٹ میں سابق گورنر سندھ نے کہا کہ پی پی، ن لیگ ہمیشہ اداروں پر حملہ آور ہوتی رہی ہیں، اعظم نظیر کے مستعفی ہونے اور بلاول کی معافی مانگنے سے بہتر مقررین اور نعرے بازی کرنے والوں کیخلاف کارروائی ہوتی، وزیرخارجہ پہلے نعروں پر ہنستے ہیں جب عقل آتی ہے تو پاوں پکڑ لیتے ہیں،شہدا پر پوری قوم کو ناز ہے۔

کریڈٹ: انڈیپنڈنٹ نیوز پاکستان-آئی این پی