لاہور میں واقع فارم ہاس پر سیلفی بنانے کے شوقین شہری پر شیر نے حملہ کردیا، زخمی شہری کو اسپتال منتقل کردیا گیا۔لاہور کے علاقے سبزہ زار میں واقع فارم ہاس پر رکھے گئے شیر کیساتھ سیلفی بنانے کی کوشش شہری کو مہنگی پڑگئی، عظیم نے شیر کے پنجرے کا جنگلا کھول کر تصویر بنانے کی کوشش کی، پنجرے کا جنگلا کھلا دیکھ کر شیر نے شہری پر حملہ کردیا، جس سے شہری زخمی ہوگیا، زخمی کو طبی امداد کیلئے اسپتال منتقل کردیا گیا۔رپورٹ کے مطابق شہری عظیم دوستوں کے ہمراہ سبزہ زار میں میاں عمر کے فارم ہاس پر شیر دیکھنے گیا تھا، شیر کے حملے سے شہری کے سر، چہرے اور بازو پر زخم آئے ہیں۔پولیس کا کہنا ہے کہ درخواست آنے پر شیر مالک کیخلاف کارروائی کی جاسکتی ہے۔ فارم ہاس کا مالک میاں عمر اس سے قبل یوٹیوبر رجب بٹ کو شادی پر شیر کا بچہ تحفے میں دینے پر خبروں کی زینت بنا تھا۔

کریڈٹ : انڈیپنڈنٹ نیوز پاکستان-آئی این پی