جناح ہائوس اور عسکری ٹاور جلائو گھیرائو کے مقدمات میں بانی پی ٹی آئی عمران خان کی بہنوں علیمہ خان، عظمی خان، پاکستان تحریک انصاف کے رہنما عمر ایوب اور شاہ محمود قریشی کے بیٹے زین قریشی نے حاضری معافی کی درخواست دائر کردی۔انسداد دہشت گردی عدالت لاہور میں 9 مئی کو جناح ہائوس اور عسکری ٹاور جلائو گھیرائو کے مقدمات کی سماعت ہوئی۔بانی پی ٹی آئی کی بہنوں علیمہ خان اور عظمی خان نے عدالت میں پیش نہ ہونے کا فیصلہ کرلیا جبکہ اپوزیشن لیڈر عمر ایوب اور زین قریشی نے بھی عدالت میں پیش نہ ہونے کا فیصلہ کیا۔ عمر ایوب، زین قریشی، علیمہ اور عظمی خان کی حاضری معافی کی درخواست دائر کی گئی، جس میں کہا گیا کہ عمر ایوب اے ٹی سی راولپنڈی اور اے ٹی سی فیصل آباد میں پیشی کے لیے گئے ہیں۔درخواست میں مزید کہا گیا کہ علیمہ خان اور عظمی خان اے ٹی سی اسلام آباد میں حاضری کے لیے گئی ہیں، زین قریشی اے ٹی سی راولپنڈی پیشی کے لیے گئے ہیں۔

کریڈٹ: انڈیپنڈنٹ نیوز پاکستان-آئی این پی