لاہور ائیرپورٹ پر کسٹمز نے اسمگل کیے جانے والے ہیرے اور دیگر قیمتی سامان ضبط کرلیا۔ترجمان نے بتایا کہ اے سی کسٹم سمرا اظہر کی سربراہی میں کسٹم حکام نے لاہور ائیرپورٹ پر کارروائی کی۔ترجمان کے مطابق دبئی سے لاہور پہنچنے والے مسافر خالد راشد کے بیگ کو مشکوک سمجھ کر تلاشی لی گئی تو اس میں سے 45 ہیرے ، 18 گھڑیاں اور دیگر اشیا برآمد ہوئیں جن کی مالیت ایک کروڑ 80 لاکھ روپے سے زائد ہے۔ترجمان کا کہنا ہیکہ تمام اشیا کو قبضے میں لے کر مسافر کے خلاف مقدمہ درج کرکے تحقیقات شروع کردی گئی ہیں۔

کریڈٹ : انڈیپنڈنٹ نیوز پاکستان-آئی این پی