سابق وزیراعلی پنجاب چودھری پرویز الہی کو احتساب عدالت لاہور سے بڑا ریلیف مل گیا۔گجرات ترقیاتی منصوبوں میں کرپشن اور کک بیکس ریفرنس پر احتساب عدالت نے پرویز الہی کو حاضری سے مستقل استثنیٰ دیدیا۔عدالت نے پرویز الہی کی جگہ حاضری کے لیے انوار حسین کو پلیڈر مقرر کر دیا، عدالت نے بیماری کی بنیاد پر چودھری پرویز الہی کو حاضری سے استثنی دیا۔سابق وزیراعلی پنجاب پرویز الہی کے پلیڈر انوار حسین حاضری کے لیے پیش ہوئے جبکہ سابق پرنسپل محمد خان بھٹی پیش نہ ہوئے۔بعدازاں احتساب عدالت نے کیس دیگر ملزمان کی وجہ سے انتظار میں رکھ لیا۔

کریڈٹ: انڈیپنڈنٹ نیوز پاکستان-آئی این پی