سی ٹی ڈی نے تحریک طالبان پاکستان حافظ گل بہادر گروپ کے 2 دہشتگرد گرفتار کر لئے۔ ترجمان سی ٹی ڈی کے مطابق اینٹی ٹیرا رزم فنانسنگ یونٹ سی ٹی ڈی نے جنجال گوٹھ میں کارروائی کر کے ابوذر اور یعقوب مسعود کو گرفتار کیا جن کا تعلق وزیرستان سے ہے۔ ڈی آئی جی سی ٹی ڈی آصف اعجاز شیخ کا کہنا ہے کہ گرفتار ملزمان سوشل میڈیا نیٹ ورک کے ذریعے افغانستان میں ٹی ٹی پی قیادت سے رابطے میں تھے، ملزمان تحریک طالبان پاکستان کے لئے فنڈز جمع کرتے تھے۔ پولیس حکام کے مطابق ملزمان حال ہی میں فنڈنگ آپریشن کیلئے کراچی واپس آئے تھے، گرفتار ملزمان سے فنڈنگ کی رقم بھی برآمد کر لی گئی۔

کریڈٹ: انڈیپنڈنٹ نیوز پاکستان-آئی این پی