کراچی میں راشد منہاس روڈ پر ڈمپر کے مسافر پیپلز ریڈ بس سے تصادم ہوگیا تاہم کوئی جانی نقصان نہیں ہوا، بس میں موجود تمام مسافر محفوظ رہے۔تفصیل کے مطابق کراچی ٹریفک پولیس عدالتی احکامات کیباوجودہیوی ٹریفک کی شہرمیں روک تھام میں ناکام ہے اور شہر میں حادثات معمول بن گئے۔گلستان جوہر راشد منہاس روڈ پر ڈمپر کا مسافر پیپلز ریڈ بس سے تصادم ہوگیا، ٹریفک پولیس نے بتایا کہ حادثہ ڈمپر کا بریک فیل ہونے کے باعث حادثہ پیش آیا تاہم بس میں موجود تمام مسافر محفوظ رہے۔حادثے کے باعث پیپلز ریڈ بس کے پچھلے حصے کو نقصان پہنچا اور ڈمپر کا اگلا حصہ مکمل تباہ ہو گیا تاہم حادثے کے باعث ٹریفک کی روانی بھی متاثررہی۔پولیس نے بتایا ڈمپر ڈرائیور اور کلینر کو حراست میں لے کر تھانے منتقل کردیا گیا ہے، ڈرائیور کیپاس لائسنس اور ڈمپر کاروڈ پرمٹ موجود ہے، ڈرائیور کے لائسنس کی مدت ختم ہوچکی تجدید نہیں کرایا گیا، ڈرائیور عمر رسیدہ ہے،معاملے پر مزید تحقیقات کر رہے ہیں، ریڈ بس انتظامیہ سے مشاور ت کے بعد مقدمہ درج کیا جائے گا۔گذشتہ روز بھی ڈرگ روڈ کے قریب مبینہ تیز رفتاری کے باعث ڈمپر الٹ گیا تھا، جس کے باعث شارع فیصل پر ٹریفک کی روانی متاثررہی۔

کریڈٹ : انڈیپنڈنٹ نیوز پاکستان-آئی این پی