کراچی کے علاقے ناظم آباد 4 نمبر میں مبینہ پنکھا چور فرار کی کوشش میں عمارت سے گر کر ہلاک ہوگیا۔ریسکیو ذرائع کے مطابق مرنے والے شخص کی لاش عباسی شہید اسپتال منتقل کر دی گئی۔پولیس کے مطابق ہلاک ہونے والے شخص نے ایک گھر سے پنکھا چوری کیا تھا، جو چوری کے بعد عمارت پر چڑھ کر فرار ہونے کی کوشش کر رہا تھا۔اس حوالے سے پولیس کا کہنا ہے کہ فرار ہونے کی کوشش میں چور کا پائوں پھسل گیا اور وہ عمارت سے گر گیا جس سے وہ شدید زخمی ہو گیا تھا۔پولیس کے مطابق زخمی ہونے والا شخص اسپتال منتقلی کے دوران چل بسا۔

کریڈٹ : انڈیپنڈنٹ نیوز پاکستان-آئی این پی