کراچی میں عمرہ ادائیگی کے لئے سعودی عرب جانے والے 3 افراد کو ممنوعہ اشیا لے جانے کے الزام میں گرفتار کر لیا گیا۔وفاقی تحقیقاتی ادارے (ایف آئی اے) کے مطابق کراچی سے جانے والے 3 عمرہ زائرین سعودی عرب کی جیلوں میں ہیں جنہیں ممنوعہ اشیا لے جانے کے الزام میں گرفتار کیا گیا ہے۔ ایف آئی اے کا کہنا ہے کہ گرفتار افراد کے اہل خانہ نے شکایت درج کرائی ہے کہ ٹریول ایجنٹ نے انہیں جاتے ہوئے ادویات کا کہہ کر منشیات تھما دی تھیں، منشیات اسمگلنگ میں ملوث ٹریول ایجنٹ روپوش ہے۔ایف آئی اے کے مطابق ٹریول ایجنٹ کے خلاف مقدمہ ایف آئی اے ہیومن ٹریفکنگ سرکل میں درج کر لیا گیا ہے اور ملزم کی تلاش جاری ہے۔

کریڈٹ : انڈیپنڈنٹ نیوز پاکستان-آئی این پی