کراچی میں ایک ٹیکسٹائل مل میں فائرنگ سے 2 غیرملکی شہری زخمی ہوگئے۔ کراچی پولیس کے مطابق فائرنگ کا واقعہ سائٹ انڈسٹریل ایریا میں واقع ایک ٹیکسٹائل مل میں پیش آیا۔پولیس حکام کے مطابق ٹیکسٹائل مل کے سیکیورٹی گارڈ اور فیکٹری میں کام کرنے والے 2 غیر ملکی ملازمین کے درمیان تلخ کلامی ہوئی۔حکام نے بتایا کہ تلخ کلامی کے بعد سیکیورٹی گارڈ نے فائرنگ کردی جس کے نتیجے میں دو غیر ملکی شہری زخمی ہوگئے۔ریسکیو حکام کے مطابق زخمی شہریوں کو فوری طور پر طبی امداد کی فراہمی کے لیے ہسپتال منتقل کردیا گیا۔دوسری جانب کراچی پولیس نے معاملے کی مزید تحقیقات کا آغاز کرکے قانونی کارروائی شروع کردی۔

کریڈٹ: انڈیپنڈنٹ نیوز پاکستان-آئی این پی