کراچی اور حیدرآباد کے بلدیاتی انتخابات کے التوا کا معاملہ پر الیکشن کمیشن نے صورتحال سے لاعلمی کا اظہار کر دیا،ذرائع الیکشن کمیشن کے مطابق سندھ حکومت کی جانب سے الیکشن کمیشن کو نوٹی فکیشن واپس لینے پر آگاہ نہیں کیا گیا، صورتحال سے آگاہی کیلئے سندھ حکومت سے رابطہ کیا جائے گا،دوسری جانب سندھ حکومت کا کہنا تھا کہ الیکشن کمیشن کو انتخابات ملتوی کرنے کے فیصلے سے آگاہ کر دیا ، محکمہ بلدیات سندھ نے کابینہ کی منظوری کے بعد الیکشن کمیشن کو خط ارسال کیا،سندھ حکومت نے موقف اپنایا ہے کہ دادو میں سیلاب کی وجہ سے بلدیاتی الیکشن نہیں ہوں گے، کراچی ڈویژن اور ضلع حیدرآباد میں حلقہ بندیاں از سرنو ہوں گی۔

کریڈٹ: انڈیپنڈنٹ نیوز پاکستان-آئی این پی