کراچی میں ابراہیم حیدری کے قریب کشتی الٹنے سے 6 ماہی گیر ڈوب گئے، جس میں سے 4 افراد کو بچالیا گیا جبکہ ایک لاش نکال لی گئی اور دوسری کی تلاش جاری ہے۔تفصیل کے مطابق کراچی کے علاقے ابراہیم حیدری کے قریب کشتی الٹ گئی ، جس کے نتیجے میں 6 افراد ڈوب گئے۔ماہر گیر رہنما یونس خاصخیلی کے مطابق ڈوبنے والے ایک شخص کی لاش نکال لی گئی جبکہ 4 کو بچا لیا گیا تاہم مقامی غوطہ خور ڈوبنے والے ایک شخص کو تلاش کررہے ہیں۔ یونس خاصخیلی کا کہنا تھا کہ متاثرہ کشتی پر سوار افراد بھنڈارمیں میلے میں گھومنے آئے تھے، گہرے سمندر میں جانے کے باعث کشتی الٹ گئی۔ریسکیو ہونے والے افراد میں حماد ،پرویز ،وقاص اور علی محمد شامل ہیں ہے جبکہ جاں بحق ہونے والے شخص کی شناخت نبیل کے نام سے ہوئی، حادثے کا شکار ہونے والے افراد ڈیفنس کے رہائشی تھے۔

کریڈٹ: انڈیپنڈنٹ نیوز پاکستان-آئی این پی