کندھ کوٹ پولیس نے اغوا کی جانے والی تین لڑکیوں کو بازیاب کرالیا۔ پولیس کے مطابق کندھ کوٹ کے علاقے گڑھی تیغو میں پولیس نے لڑکیوں کی بازیابی کے لیے سرچ آپریشن کیا جس میں تینوں لڑکیوں کو بازیاب کرالیاگیا۔ ایس ایس پی عرفان سموں کے مطابق لڑکیاں ڈانسر ہیں، جنہیں ڈیڑھ ماہ قبل شادی کی تقریب کے بہانے کراچی سے لایاگیا تھا۔ ایس ایس پی عرفان سموں کا کہنا ہے کہ آپریشن کے دوران جوابی فائرنگ پر ڈاکو تینوں لڑکیاں چھوڑ کر فرارہوگئے۔ پولیس نے مزید بتایا کہ بازیاب ہونے والی تینوں لڑکیاں تیغانی گینگ کے پاس تھی۔ پولیس کا کہنا ہے کہ ڈاکوں کی گرفتاری کیلئے بھی علاقے میں سرچ آپریشن کیا جارہا ہے۔

کریڈٹ: انڈیپنڈنٹ نیوز پاکستان-آئی این پی