خیبر پختونخوا آئل اینڈ گیس کمپنی میں 40 کروڑ کی بے قاعدگیوں کا انکشاف ہوا ہے۔یہ انکشاف سال 2021-22 آڈٹ رپورٹ میں ہوا ہے ۔ آڈٹ رپورٹ کے مطابق غیر ضروری ڈیلی ویجرز کو 15 کروڑ سے زائد ادائیگیاں کی گئیں۔ آڈٹ رپورٹ کے مطابق مختلف کیڈرز کی غیر ضروری بھرتیوں پر بھی خزانے کو 4 کروڑ کا نقصان ہوا، پراونشل ڈائریکٹرز کو ایک کروڑ 30 لاکھ روپے کی غیر قانونی ادائیگیاں کی گئیں۔ سیکیورٹی آلات اور اسپیشل الانسز کی مد میں کمپنی کو 2 کروڑ 30 لاکھ کا نقصان ہوا۔چیف انٹرل آڈیٹر، منیجر کارپوریٹ فنانس کی تعیناتیوں میں بھی بے ضابطگیاں ہوئیں، دونوں تعیناتیوں سے خزانے کو 3 کروڑ 88 لاکھ روپے نقصان ہوا، رپورٹ پر مشیر خزانہ کا موقف لینے کی کوشش کی جا رہی ہے۔

کریڈٹ: انڈیپنڈنٹ نیوز پاکستان-آئی این پی