خیبر پختونخوا میں 2 ہزار کے قریب سرکاری پرائمری اسکولز کے پاس ذاتی عمارت نہ ہونے کا انکشاف ہوا ہے۔یہ انکشاف محکمہ تعلیم خیبر پختونخوا کی سالانہ رپورٹ میں ہوا ہے جس کے مطابق وزیر تعلیم فیصل ترکئی کے آبائی ضلع صوابی میں 50 سرکاری پرائمری اسکو لز ذاتی عمارت سے محروم ہیں۔ خیبرپختونخوا میں 323 سرکاری پر ائمری اسکولز عطیہ شدہ عمارتوں میں قائم ہیں جبکہ خیبرپختونخوا میں 328 پرائمری اسکولز کی چھتیں نہیں ہیں، محکمہ تعلیم کی رپورٹ کے مطابق مختلف اضلاع میں 463 سرکاری پر ائمری اسکولز کرایہ کے عمارتوں میں قائم ہیں۔رپورٹ میں بتایا گیا کہ ذاتی عمارتیں نہ ہونے کی وجہ سے 392 پرائمری اسکولز دیگر اسکولز کے ساتھ ایڈ جسٹ کیے گئے ہیں،اپر کوہستان میں آدھے سے زیادہ سرکاری اسکولز کی ذاتی عمارت ہی موجود نہیں۔

کریڈٹ: انڈیپنڈنٹ نیوز پاکستان-آئی این پی