بلوچستان کے ضلع خضدار میں قبائلی رہنما میر مہراللہ محمد حسنی کو فائرنگ کرکے تین ساتھیوں سمیت قتل کردیا گیا۔ذرائع کے مطابق افسوسناک واقعہ خضدارمیں کراڑو کے قریب پیش آیا جہاں نامعلوم افراد نے مقامی قبائلی رہنما کے قافلے پر فائرنگ کی جس کے نتیجے میں قبائلی رہنما میر مہراللہ محمد حسنی اور ان کے تین ساتھی جاں بحق ہوگئے جبکہ دو ساتھی زخمی بھی ہوگئے جنہیں ہسپتال منتقل کردیا گیا ہے ۔پولیس کا کہنا ہیکہ حملہ آوروں نے جاتے وقت گاڑی کو بھی آگ لگا دی،واقعے کی تحقیقات کی جارہی ہیں اور ملزمان کی تلاش کیلئے چھاپے مارے جارہے ہیں۔

کریڈٹ: انڈیپنڈنٹ نیوز پاکستان-آئی این پی