وفاقی وزیر برائے منصوبہ بندی احسن اقبال نے کہا ہے کہ جذبے صادق ہوں تو کوئی آپ کو شکست نہیں دے سکتا۔ جمعہ کو یوم دفاع کے حوالے سے اپنے ایک پیغام میں لیگی رہنما احسن اقبال کا کہنا تھا کہ آج کے دن مسلح افواج کے جوانوں نے ثابت کیا کہ پاکستان کا زمینی اور فضائی دفاع ناقابلِ تسخیر ہے۔ انہوں نے کہا کہ 6 ستمبر کا سبق ہے کہ اگر جذبے صادق ہوں تو کوئی ملک یا قوم آپ کو شکست نہیں دے سکتی، 65 میں پاک فضائیہ نے دشمن سے عددی لحاظ سے کم ہو کر بھی ملکی دفاع پر آنچ نہ آنے دی۔

کریڈٹ: انڈیپنڈنٹ نیوز پاکستان-آئی این پی