پی ٹی آئی نے جے یو آئی (ف )سے اتحاد کے لئے ٹی اوآرز مانگ لئے، جمعیت علمائے اسلا م (ف)کے ٹی او آرز پربانی پی ٹی آئی سے مشاورت کی جائے گی۔ذرائع کے مطابق پاکستان تحریک انصاف اور جمعیت علمائے اسلام (ف)کے مابین ملاقات کی اندرونی کہانی سامنے آگئی۔ پی ٹی آئی ذرائع کی جانب سے بتایا گیا ہے کہ جے یو آئی ( ف )سے اتحاد انتخابی نہیں بلکہ سیاسی ہوگا، بانی پی ٹی آئی عمران خان چاہتے ہیں ملکی صورتحال پر مولانا گرینڈ اپوزیشن الائنس کا حصہ بنیں۔ ذرائع کا مزید بتانا ہے کہ پی ٹی آئی اور جے یو آئی ف کے وفد کے مابین ملاقات گزشتہ شب پارلیمنٹ لاجز میں ہوئی، دونوں وفود کے مابین بات چیت انتہائی خوشگوار رہی، جے یو آئی ف نے ٹی اوآرز پر مولانا سے مشاورت کے لئے وقت مانگا ہے۔

کریڈٹ: انڈیپنڈنٹ نیوز پاکستان-آئی این پی